Í dag var hjóladagur hjá okkur á Dvergasteini. Við hjóluðum öll saman yfir á fótboltavöllinn og körfuboltavöllinn hjá Laugalækjarskóla hér við hliðina. Þar hjóluðum við og skemmtum okkur vel. Við settum upp keilur og æfðum okkur að beygja til hægri og vinstri og jafnvel að hjóla í 8.

Sumir komu með tvíhjól, með eða án hjálpardekkja og sumir komu með hlaupahjól. Allir voru með hjálm! Sumir lánuðu hjólin sín og fengu að prófa hjól hjá einhverjum öðrum í staðinn.

Myndir frá hjóladeginum eru komnar í myndaalbúm Dvergasteins, flokkaðar með júlímyndunum.

Takk fyrir þennan skemmtilega hjóladag!

Í gær var síðasti dagur Emmu hjá okkur í Lækjaborg.

Við kveðjum Emmu með söknuði, þökkum henni fyrir samstarfið og óskum henni velfarnaðar!

Kæru foreldrar.

Af okkur er allt hið besta að frétta. Við höfum nýtt góða veðrið til hins ítrasta og verið mikið úti. Meðal annars höfum við skellt okkur í göngutúr þrisvar. Í fyrsta skipti fórum við upp í Rauðalæk og horfðum á 30 ára afmælissýningu Brúðubílsins. Í annað skipti fórum við á rólóvöllinn bak við Ísbúð Laugalækjar. Í þriðja skipti fórum við að ¨Orminum¨ niðri í Laugardal hjá Þvottalaugunum.

Sumarhátíðin gekk stórkostlega og allir skemmtu sér til hiðs ítrasta.

Að lokum eru komnar myndir frá sumarhátíðinni og tveim af fyrrgreindum göngutúrum á myndasíðuna og ég hvet alla að skoða þær.

Með kveðju.

Sigga, Tabi, Álfheiður og Bárður.