Lækjaborg er fjölmenningarlegur leikskóli þar sem lögð er áhersla á fjölbreytileikann í mannlegum samskiptum. Einkunnarorð okkar eru vinátta, virðing og jafnrétti. Það er okkar sannfæring að fordómar spretta af þekkingarleysi. Því er mikilvægt að leikskólinn skapi tækifæri fyrir börn til að kynnast sjálfum sér og öðrum, sterkum og veikum hliðum hvers annars og ólíkum bakgrunni. Þá verða þau tilbúnari til að mæta nýju fólki og aðstæðum með gagnrýnum og opnum huga. Því eins og sagt er: Allir geta eitthvað en enginn getur allt.